Psalm 53

The Fool Says There Is No God

¹In finem, pro Maëleth intelligentiæ David. Dixit insipiens in corde suo: Non est Deus. Corrupti sunt, et abominabiles facti sunt in iniquitatibus; non est qui faciat bonum.

²Deus de cælo prospexit super filios hominum, ut videat si est intelligens, aut requirens Deum.

³Omnes declinaverunt; simul inutiles facti sunt: non est qui faciat bonum, non est usque ad unum.

⁴Nonne scient omnes qui operantur iniquitatem, qui devorant plebem meam ut cibum panis?

⁵Deum non invocaverunt; illic trepidaverunt timore, ubi non erat timor. Quoniam Deus dissipavit ossa eorum qui hominibus placent: confusi sunt, quoniam Deus sprevit eos.

⁶Quis dabit ex Sion salutare Israël? cum converterit Deus captivitatem plebis suæ, exsultabit Jacob, et lætabitur Israël.